|
El terbya l'wataniya: El chekk f-kach īdrab jdid |
 |
 |
 |
|
Écrit par Nacim
|
|
Jeudi, 15 Avril 2010 20:40 |
|
El mouεallmiin li mtebbεiin el sindika teε l'CNAPEST dàrou nhar teε īdrab qeddam el moudiriyat el jihàniya teε tesεa wlayat, hiya Boumerdas, Tizi-wezzou, Bwiira, Ghalizan, Qsentina, Msila, Bjaya, Skiikda w Tlemsan.
ξlà-ħsàb elli houwa metkellef bel ittisalat taεhom, El-si Mesεoud Boudiba, lli kounna taselna bih fel-tilifoun: Wlayat ξayn el defla, Wahren, Dzayer, Mestghalem w sεida, ykounou yetchaawro el-sebt el-màji bach yemchiiw f-xhdàyem mchàabha. Qal lna tani belli wlayat ħdoxhriin machyiin yεewwlou fel yàmàt el màjya bàch yendemmo lel īdrab.
|
|
|
Mejwàz el ŝferr el biometri, El xhaloŧa ħta lel youm |
|
|
|
|
Écrit par Nacim
|
|
Jeudi, 15 Avril 2010 20:22 |
|
El-si ħàsàn Braya, mεallem el serbis taε mjàwez el ŝferr fel maqèrr el jdiid fel wlàya teε qŝenŧina l'màjya citi ξabdesslàm Daksi, kàn qâl lina "mor l'zeđma taε l'mwaŧniin lli kỏnna chefna'ha fel 11 afriil li fàt, el ħwàl rahi lyoum chwiya thàddnet. birouwatna rahom serbàw ħta lel youm 3100 merchôm (formulaire)..."
Bessaħ, xheŝŝeŝ lina tani hàdàk belli bèrk 74 menhom kànou tensejjlou ħta lel youm, w ŧnachen mileff maħŧoŧiin fihom ghelŧat, w chi randivouwat tānulàw mεend mwàlihom, w yxhoss yεawdou yetsejjlou mel-jdid.
|
|
Fđiħa taε marchiyat-el oŧoroủtt charq-ğerb: 20 bel mya f-jyoub Pierre Falcon w jmaεet'hoủ |
|
|
|
|
Écrit par essi moủsa
|
|
Mercredi, 07 Avril 2010 20:19 |
|
El ŧalab taε el tesraaħ l-amiin-serr el εaam taε waziir el achğal-el εoủmoủmiya raho tnarfeđ men εand el qađiyya taε el biit el tasaε, el metkellef bel afira taε el loŧoroủtt charq-ğarb, εand el qoŧb el εadlany el metxeŝŝeŝ, fi meqđa Dzayer. Megđob men hadi 5 chhoủr, el methoủm qarrer yerfaε el chraε mejjdid, εand biit el tahm (chambre d'incủlpation), smaεna men εand chi nas qraab lel afira. Had el ŧalab kan tseyyef mor-ma kan hada Essi Moħemmed khelladi (el moủsiyyer el qdiim taε el projiyat el jded DNP fel wakala el waŧaniya taε el oŧoroủtaat), t'inkủlpa w tħaŧŧ soủs mandat de depot, men εand el qađiya hadiik bel-daat.
|
|
|
Wàħed miyyet w ţlaţa msellkiin fi bħôr ŝbanya, 11 ħarraga bàqyiin mefqoudiin |
|
|
|
|
Écrit par Nacim
|
|
Jeudi, 15 Avril 2010 19:34 |
|
El bħouţ kànou εàad metwaaŝliin lbàreħ, fel bεid taε cheŧ sbanya l'gherbi, bàch yenŝaabou 11 ħarraga mefqoudiin fel bħar, mor-ma ghetret bihom el flouka w houma bεàd b- 18 milles cherq el mdiina l'āndàlousiya "Carboneras"
Ţlàţa kànou tneqqdou nhaar el ħàdd εla rebεa taε el εchiya taε temmàk, men εand baboor l'ōsŧol el tejraani el sbanyouli, el "Liliana", w waħdaaxhor raabàε kàn ghraq, meblooε men bħoor kànet hayja. Menŝaabiin f-ħàla ngàl εliiha thàwwel, el sàalkiin el ţlàţa kànou tnouqlou bel esteεjàl bel hilicoptàr taε ħimàyet el cheŧŧ el sbenyoliya, lel sbiiŧaar dyàl Torre Cardenna. Wàħed menhom kàn njem yexhrej men'hou fel nhaar bel-dàt, wejjhouh lel merkez taε tefwàt el hàjriin el lla mechrooεiin, w el zouj loxhriin tlezzem εlihom yfewwtou l'lila tàht el neđra el ŧebbiya, bàch yettebàε ħàal'hom.
|
|
Boumerdàs: el-tehdadat teε wzaret el-teεlam |
|
|
|
|
Écrit par cimou
|
|
Vendredi, 19 Février 2010 08:22 |
|
El-amin-ser el-εaam teε wzaret el-terbya l-wataniya, Boubker Xaldi, kan riyyes lbareħ f Boumerdàs mlaqya jihawiyya medyoura lel teqyam teε tetbaε el-tensiqiyya el-terbawiya eli demmet el-moudara teε el-terbya, el-noudara (proviseurs) teε el-lisiyyat w moufettćin el-terbya teε wlayat Dzayer, Boumerdàs, Tizi wezzou, Lebwira, Tamenģaset w Ilizi.
|
|
|
|
|
<< Début < Précédent 1 2 Suivant > Fin >>
|
|
Page 1 sur 2 |