"Mouassasa lel dakra" beć t'hedden el-εalaqat bin Paris w Dzayer? Hagda ći mrakez teε el-iεlam qeddmou el-meεlouma teε el-xliq el-qrib, fi Fransa, li mouassasa lel dakra teε ħarb el-jazayer w nzaεat el-Merrouk w Tounes. Amin-ser el-doula l-frasawiya (Secrétaire général de l'état français) lel difaε w el-mouqawmin el-qdeum, essi Hubert Falco, houwa li wejjah had el-nedra bħit ćaf belli "l-ħdat el-twala" (meεnetha l-qtiraħ teε qanoun y'jerrem el-istiεmariya, jaw bih ći nouwwab fel Jazayer) qal belli "y'biynou belli ja l-waqt bać ći swaleħ ye'ndàrou". el-Amin-ser ćaf belli "hadak el-iqtiraħ teε ennouwab maji y'hewwel w ħatta xarej lel ħoudoud". w εlih qal belli mazel ma wselnać lel waqt win el-oumour te'thedden bin had el-zouj bladat. El-mouassasa li y'qeddemha essi Falco kelli "maći mwatya mεa jiha wela loxra" ma t'kounć liha l-mouhima bać te'kteb el-tarix teε ħarb el-Jazayer. qal "T'koun bark l-mkan li koul waħed ye'nejem fih y'xelli el-tarf taεou mnel daakra". El-amin-ser qal belli ħatta l dorka, "ma kanć kayen jwab l had el-moubadra men εand el-jazayriyin" ħta ila rah baqi "metmenni eli el-doula l-jazayriya t'εawen bać ye'ħaqqeq had el-mouwjoub teε el-daakra f rouħ el-msaysa", ye'bqa mouħal elli el-doula l-jazayriya t-sahem fel mouassasa elli t'mewwenha el-doula l-frasiya  (7,2 melyoun euro) w li y'koun meskenha f ħoumet "Les invalides" fi fransa, waħda mnel blayes el-kbar lel daakra l-fransawiya teε el-ħarb fel εasma Paris. El-mouassasa li y'koun rayesha essi Claude Bébéar (el-rayes el-qdim teε ćariket el-damana AXA) li houwa b datou kan ćarek fel ħarb teε el-Jazayer, mouħal la t'koun metqebbla b shouliya men εand el-doula l-jazayriya kelli "blasa mouħayda teε el-daakra".